Trausti fasteignasala er staðsett í Vegmúla 4. Staðsetningin er miðsvæðis og það er alltaf heitt á könnunni.

Trausti fasteignasala leggur metnað sinn í vandaða og skjóta þjónustu, hátt þjónustustig og að fylgja kaupendum og seljendum af metnaði og nákvæmni frá byrjun ferlisins til enda.

Starfsfólk Trausta kappkostar að aðstoða viðskiptavini í öllu því er kann að koma upp við kaup eða sölu fasteigna. Gildir þá einu á hvaða stigi ferlisins það kann að vera og einnig þótt afsal hafi verið gefið út. Jafnframt mun Trausti gæta meðalhófs í verðlagningu.

Trausti fasteignasala býður upp á ókeypis sölumat, án allra skuldbindinga og sölusýningar fara fram á flestum eignum. Gæði og vinnsla ljósmynda af eignum er í hæsta gæðaflokki og mikill metnaður lagður í að myndataka sé sem vönduðust.

Trausti fasteignasala leggur sig fram um að vera sýnileg á markaðnum og auglýsa kröftuglega í miðlum sem ná til markhópsins.

Eigendur Trausta fasteignasölu eru Kristján Baldursson, Guðbjörg G. Sveinbjörnsdóttir og Sólveig Regína Biard.

Kristján er reyndur á sviði fasteignasölu og hefur mikla reynslu af frágangi kaupsamninga. Eins hefur hann verið dómkvaddur matsmaður og flutt sem málflytjandi mörg dómsmál, m.a. á sviði fasteignaréttar. 

Guðbjörg er löggiltur fasteignasali og dómkvaddur matsmaður. Hún hefur gífurlega mikla reynslu af sölu fasteigna og hefur starfað við fasteignasölu í um 20 ár. 

Sólveig er löggiltur fasteignasali, hefur mikla reynslu af frágangi kaupsamninga og er yfirmaður skjalagerðar. Sólveig hefur starfað í fasteignaviðskiptum yfir áratug, bæði við sölu fasteigna og við skjalagerð.  

Yfirmaður söludeildar er Hallgrímur Óli Hólmsteinsson, löggiltur fasteignasali og viðskiptafræðingur. Hans markmið er að veita viðskiptavinum Trausta bestu mögulegu þjónustu og sjá til þess að viðskiptavinir sjái sér hag í að leita alltaf til Trausta þegar kemur að fasteignakaupum eða sölu.

Trausti fasteignasala er með hátt þjónustustig á mjög sanngjörnu verði. 

Tölvupóstfang Trausta fasteignasölu er [email protected]. Síminn í Vegmúlanum er 546-5050